វិញ្ញាសា ជីវវិទ្យា 22-08-2016

ជីវវិទ្យា(មិនផ្លូវការ)

សំណួរ-ចម្លើយ និងដំណោះស្រាយលំហាត់

ប្រឡងសញ្ញាបត្រមធ្យមសិក្សាទុតិយភូមិ (22-08-2016)

I. (៥ពិន្ទុ)   តើនៅក្នុង​ស្លឹក​រុក្ខជាតិឌីកូទីលេដូនមានស្រទាប់អ្វីខ្លះ? ស្រទាប់​នីមួយៗ​មាននាទីដូចម្ដេច?

II. (៥ពិន្ទុ) ហេតុអ្វីបានជាគេថាអង់ស៊ីមជាប្រូតេអ៊ីន​ដែល​មាន​សកម្មភាព​ខ្លាំងក្លា?

III. (៥ពិន្ទុ)   ចូរប្រៀបធៀប ប្រព័ន្ធប្រសាទសត្វឥតឆ្អឹងកង និង​ប្រព័ន្ធ​ប្រសាទ​​សត្វ​ឆ្អឹងកង។

IV. (៥ពិន្ទុ) តើវិស្វកម្មសេនេទិចជួយដល់រុក្ខជាតិដូចម្ដេចខ្លះ?

V. (១០ពិន្ទុ)  ក្រោយពេលដំឡើងទ្វេហើយ ហេតុអ្វីបានជាម៉ូលេគុល ADN កូន​​ទាំង​​ពីរ​ដូច​គ្នាបេះ​បិត​ទៅនឹងម៉ូលេគុល ADN មេ?

VI. (១០ពិន្ទុ) ហេតុអ្វីបានជាអរម៉ូនមានអំពើ (ភ្ញោច) ទៅលើតែ​កោសិកា​គោល​ដៅ?

VII. (១៥ពិន្ទុ)  ម៉ូលេគុល ADN មួយមាននុយក្លេអូទីតប្រភេទ C=180000 ដែលមាន​សមាមាត្រ​​ជា 30% នៃ​ចំនួន​នុយក្លេ​អូទីត​ទាំងអស់។

1. រកភាគរយនៃនុយក្លេអូទីតប្រភេទនីមួយៗ។

2. រកប្រវែងម៉ូលេគុល ADN គិតជាមីក្រូម៉ែត្រ(µm)។

3. រកចំនួនសម្ព័ន្ធអ៊ីដ្រូសែនសរុបម៉ូលេគុល ADN នេះ។

VIII. (២០ពិន្ទុ) សែនមួយមានប្រវែង 680nm។ សែន​នេះ​កំណត់​សំយោគ ARN_m មួយ​​​ដែល​​មាន​​ទំនាក់ទំនង​​រីបូ​នុយក្លេអូទីត 2A – 3C = 3G – 2U។

1. គណនាចំនួននុយក្លេអូទីតនីមួយៗរបស់សែននេះ។

2. គណនាចំនួននុយក្លេអូទីតនីមួយៗរបស់ម៉ូលេគុលARN_m ​បើគេ​ដឹងថា​ក្នុង​ម៉ូលេគុល ARN_m នេះមានផលដករវាង A និង U ស្មើនឹង 600 និង​ផល​ដក​រវាង C និង G ស្មើនឹង 400។ 

   ទាញយកចម្លើយ