វិញ្ញាសាទី ២៤
ប្រលងសញ្ញាបត្រធម្យមសិក្សាទុតិយភូមិ
ចំណេះទូទៅនិងបំពេញវិជ្ជា
សម័យប្រឡង ២៦ កក្កដា ២០១០
I. (៤ពិន្ទុ)1. ចូរគូសសញ្ញា✓ក្នុងប្រអប់ខាងមុខចម្លើយត្រឹមត្រូវតែមួយគត់
ក. ម៉ូលេគុល ADN ដ៏ច្រើនក្នុងពិភពរស់ខុសគ្នាដោយសារ
◻ ចំនួននុយក្លេអូទីត ◻ ប្រភេទនុយក្លេអូទីត
◻ទីតាំងនុយក្លេអូទីត ◻ តំណលំដាប់នុយក្លេអូទីត
ខ. កូនប្រុសដែលកើតជំងឺងងឹតពណ៌ ត្រូវចម្លងមកពី
◻ ឪពុក ◻ ម្ដាយ ◻ ជីតា ◻ ជីដូន
2. ចូរបំពេញល្បះខាងក្រោមឲ្យបានត្រឹមត្រូវ
ក. សារធាតុមេឡានីនដែលកំណត់ពណ៌ភ្នែក ស្បែក និងរោមមានប្រភពមកពីអាស៊ីតអាមីនេឈ្មោះ.......................... ដែលមាននៅក្នុងអាហារ។
ខ. បណ្ដូរអង្កត់អូម៉ូឡូកនៃក្រូម៉ាទីតពីរក្នុងចំនោមក្រូម៉ាទីតបួនហៅថា.........................។
II.(៥ពិន្ទុ)ដូចម្ដេចដែលហៅថាប៉ូលីប្លូអ៊ីឌី? តើបាតុភូតនេះមានប្រយោជន៍អ្វីចំពោះរុក្ខជាតិ?
III. (៦ពិន្ទុ) អ្វីជាទ្រីសូមីទី 21? តើទ្រីសូមីទី 21 អាចកើតឡើងរបៀបដូចម្ដេច? ហើយនាំឲ្យមានផលវិបាកដូចម្ដេចដែរ?
IV. (៦ពិន្ទុ) យើងសង្កេតឃើញថា មនុស្សក្នុងលោកនេះមានចំនួនច្រើនពាន់លាននាក់ ប៉ុន្តែមានរូបរាង មុខមាត់ខុសៗគ្នា ទោះបីជាអ្នកនោះកើតចេញពីមេបាតែមួយក៏ដោយ ក៏មិនដូចគ្នាបេះបិទដែរ។ តើមូលហេតុនៃការខុសគ្នានេះបណ្ដាលមកពីអ្វី?
V. (១៤ពិន្ទុ) សែនមួយមាននុយក្លេអូទីតប្រភេទ C = 20% នៃចំនួននុយក្លេអូទីតទាំងអស់។ សែននេះកំណត់សំយោគប្រូតេអ៊ីនមួយ ដែលមានអាស៊ីតអាមីនេ 198។ ម៉ូលេគុល ARNmដែលសំយោគចេញពីសែនខាងលើមានរីបូនុយក្លេអូទីតទាំងបួនប្រភេទគឺ A , U , C , G ដែលក្នុងនោះរីបូនុយក្លេអូទីត U(ARNm)=25% , G(ARNm)=30%។
ក. រកចំនួននុយក្លេអូទីតប្រភេទនីមួយៗរបស់សែន។
ខ. រកចំនួននុយក្លេអូទីតប្រភេទនីមួយៗរបស់ ARNm។
VI. (១៥ពិន្ទុ) ក្នុងកសិដ្ឋានមួយគេបង្កាត់ជ្រូកពូជសុទ្ធរោមសខ្លួនខ្លីជាមួយ ជ្រូករោមខ្មៅខ្លួនវែងដែលទទួលបានពូជសុទ្ធដែរ។ គេទទួលបានជ្រូកសុទ្ធតែរោមសខ្លួនវែង។
ក. ហេតុអ្វីបានជាកូនជ្រូកទាំងអស់នោះមានលក្ខណៈមិនដូចមេបាទាំងស្រុង?
ខ. កំណត់សេណូទីបមេបា និងកូនជ្រូក បើគេដឹងថាគូអាឡែលទាំងពីរ គូស្ថិតនៅលើគូក្រូម៉ូសូមអូម៉ូឡូក។
របៀប Download
--->ចំពោះ អ្នកប្រើ Iphone កុំទាន់ចុចលើ link ខាងលើ ត្រូវមើលផ្នែកខាងក្រោមខាងស្ដាំ ចុចហើយបើកជាមួយ Safari រួចចុចលើ link Download ខាងលើ រងចាំ 5 វិនាទី រួចចុច Skip AD វានឹងលោតផ្ទាំងពាណិជ្ជកម្ម ចុចត្រឡប់មកវិញ ចុច Skip AD ម្ដងទៀតឃើញឯកសាហើយ។
--->ចំអ្នកប្រើ Android ចុចលើ Link ខាងលើរងចាំបន្តិច ហើយចុចលើ Skip AD ជាការស្រេច។
No comments:
Post a Comment