ជីវវិទ្យាសម្រាប់វិទ្យាល័យ: វិញ្ញាសា ជីវវិទ្យា បាក់ឌុប 2011 (វិទ្យាសាស្រ្ដ)

Thursday, June 30, 2016

វិញ្ញាសា ជីវវិទ្យា បាក់ឌុប 2011 (វិទ្យាសាស្រ្ដ)

វិញ្ញាសាទី ២៩ : វិទ្យាសាស្រ្ត

ប្រលងសញ្ញាបត្រធម្យមសិក្សាទុតិយភូមិ

ចំណេះទូទៅនិងបំពេញវិជ្ជា

សម័យប្រឡង ២៥ កក្កដា ២០១១

I. (៥ពិន្ទុ) ចូរបំពេញល្បះខាងក្រោមឲ្យបានត្រឹមត្រូវ

1. ប្រព័ន្ធ ប្រសាទមនុស្សចែកចេញជាពីរផ្នែកសំខាន់គឺ.......... ...................និង................ .....................។

2. ខ្នាតទទឹងនៃខួរឆ្អឹងខ្នងបង្ហាញឲ្យឃើញថា ខួរឆ្អឹងខ្នងមានសារធាតុពីរយ៉ាងគឺ....................................និង....................................ហើយផ្នែកខាងក្នុងមានរាងជាអក្សរ....................................។

II. (៦ពិន្ទុ) នៅពេលមនុស្សយើងផឹកស្រវឹងខ្លាំង យើងសង្កេតឃើញថាគេមានដំណើរទ្រេទ្រោត ដៃចាប់កាន់វត្ថុអ្វីមួយមានលក្ខណៈញ័រ តើលក្ខណៈនេះបណ្ដាលមកពីអ្វី?

III. (៧ពិន្ទុ) 1. ក្នុងសារពាង្គកាយមនុស្ស តើមានអាស៊ីតអាមីនេប៉ុន្មានប្រភេទ? វាខុសគ្នាពីមួយទៅមួយដូចម្ដេច?

2. គេថាអាស៊ីតអាមីនេមានលក្ខណៈជាអាស៊ីតផង និងបាសផង។ តើពិតឬទេ? ព្រោះអ្វី?

3. ហេតអ្វីបានជាគេថាអាស៊ីតអាមីនេជាអ្នកនាំសារ?

IV. (៧ពិន្ទុ) តើក្រពេញទីរ៉ូអ៊ីតស្ថិតនៅត្រុងណា? វាផលិតអរម៉ូនអ្វីខ្លះ? តើអរម៉ូនទាំងនោះមាននាទីធ្វើអ្វី?

V. (១៣ពិន្ទុ) ស្រទាប់រេទីននៃភ្នែកជាស្រទាប់រួសនឹងពន្លឺ និងជាស្រទាប់ដែលបង្កបានជារូបភាពនៃវត្ថុដែលយើងមើញ ឃើញ។ ចូរបកស្រាយ។

VI. (១៨ពិន្ទុ) ម៉ូលេគុល ADN មួយមានចំនួនសម្ព័ន្ធអ៊ីដ្រូសែនរវាង A-T ស្មើនឹងចំនួនសម្ព័ន្ធអ៊ីដ្រូសែនរវាង C-G គឺ 1200។ នៅលើច្រវាក់ទីមួយនៃម៉ូលេគុល ADN នេះមានផលបូកម៉ាសម៉ូលេគុលនុយក្លេអូទីត A និង G ស្មើ 90000ហើយផលដកម៉ាសម៉ូលេគុលនុយក្លេអូទីត T និង C ស្មើ 30000។

1. គណនាប្រវែងម៉ូលេគុល ADN នេះគិតជា nm។

2. កំណត់ចំនួននុយក្លអូទីតប្រភេទនីមួយៗក្នុងច្រវាក់ម្ខាងៗនៃម៉ូលេគុល ADN បើនុយក្លេអូទីតនីមួយៗមានម៉ាសម៉ូលេគុល 300 ខ្នាតកាបូន។

VII. (១៨ពិន្ទុ) សែនមួយមាននុយក្លេអូទីតចំនួន 1050។

1. រកចំនួនកូដុងរបស់ ARN_mដែលចម្លងចេញពីសែន។

2. រកចំនួនអាស៊ីតអាមីនេនៃម៉ូលេគុលប្រូតេអ៊ីនដែលសំយោគបាន។

3. កំណត់ចំនួនអង់ទីកូដុងរបស់ ARN_t ដែលដឹកនាំអាស៊ីតអាមីនេចូលរីបូសូម។

4. គណនាប្រវែងរបស់សែន។

ទាញយកវិញ្ញាសា និងចម្លើយ

របៀប Download

--->ចំពោះ អ្នកប្រើ Iphone កុំទាន់ចុចលើ link ខាងលើ ត្រូវមើលផ្នែកខាងក្រោមខាងស្ដាំ ចុចហើយបើកជាមួយ Safari រួចចុចលើ link Download ខាងលើ រងចាំ 5 វិនាទី រួចចុច Skip AD វានឹងលោតផ្ទាំងពាណិជ្ជកម្ម ចុចត្រឡប់មកវិញ ចុច Skip AD ម្ដងទៀតឃើញឯកសាហើយ។

--->ចំអ្នកប្រើ Android ចុចលើ Link ខាងលើរងចាំបន្តិច ហើយចុចលើ Skip AD ជាការស្រេច។