វិញ្ញាសាទី ៣៥ : វិទ្យាសាស្រ្ត
ប្រលងសញ្ញាបត្រធម្យមសិក្សាទុតិយភូមិ
ចំណេះទូទៅនិងបំពេញវិជ្ជា
សម័យប្រឡង ០៦-០៨-២០១២
I. (៦ពិន្ទុ) តើពោតជារុក្ខជាតិរុក្ខជាតិម៉ូណូកូទីលេដូន ឬឌីកូទីលេដូន? ពីព្រោះអ្វី?
II. (៦ពិន្ទុ) 1. តើកែវភ្នែកមាននាទីអ្វីខ្លះ?
2. ហេតុអ្វីបានជាមនុស្សខ្លះមើលវត្ថុនៅឆ្ងាយឃើញច្បាស់ ប៉ុន្តែមើលវត្ថុនៅជិតមិនច្បាស់ទៅវិញ? ចូរពន្យល់។
III. (៦ពិន្ទុ) តើខួរក្បាល និងខួរឆ្អឹងខ្នងមានទំនាក់ទំនងគ្នាយ៉ាងដូចម្ដេចក្នុងការបញ្ជូនព័ត៌មាន?
IV.(៧ពិន្ទុ) តើលំពែងផលិតអរម៉ូនអ្វីខ្លះ? ចូរពន្យល់ពីមុខងាររបស់អរម៉ូននីមួយៗ។
V. (៧ពិន្ទុ) តើប្រព័ន្ធប្រសាទមនុស្សមានមុខងារអ្វីខ្លះ? ចូរពន្យល់ពីមុខងារនីមួយៗដោយលើកឧទាហរណ៍។
VI. (៨ពិន្ទុ) 1. តើលំពែងផលិតគ្លុយកាកុងនៅពេលណា?
2. អរម៉ូនគ្លុយកាកុងមានសកម្មភាពដូចម្ដេចនៅក្នុងសារពាង្គកាយ?
VII. (៨ពិន្ទុ) 1. តើអ្នកវិទ្យាសាស្រ្ដបានប្រើប្រាស់វិស្វកម្មសេនេទិចក្នុងវិស័យអ្វីខ្លះ?
2. តើគេបានផលិតអ្វីខ្លះក្នុងវិស័យនីមួយៗ?
VIII. (១២ពិន្ទុ) សែនមួយមានប្រវែង 265.2nm ក្នុងនោះមានផលដករវាងនុយក្លេអូទីតអាដេនី និងស៊ីតូស៊ីនស្មើនឹង30% នៃចំនួននុយក្លេអូទីតសរុប។
1. គណនាចំនួននុយក្លេអូទីតប្រភេទនីមួយៗរបស់សែន។
2. តើម៉ូលេគុលប្រូតេអ៊ីន ដែលសែននេះសំយោគបាន មានអាស៊ីតអាមីនេចំនួនប៉ុន្មាន?
3. តើមាន ARNt ចំនួនប៉ុន្មានចូលរួម បើគេដឹងថា ARNt នីមួយៗដឹកនាំអាស៊ីតអាមីនេចូលរីបូសូមម្ដងបានតែមួយ។
IX. (១៥ពិន្ទុ) ក្រោយស្វ័យដំឡើងទ្វេដែលមានចំនួនដងស្មើគ្នា ម៉ូលេគុល ADN ពីរបានផ្ដល់ ADN កូនមួយចំនួនដែលមានប្រវែងសរុបគិតបញ្ចូលគ្នាស្មើនឹង 5032nm។ ស្វ័យដំឡើងទ្វេបន្តបន្ទាប់នេះត្រូវការនុយក្លេអូទីតសេរីចំនួន 25900។ ម៉ូលេគុល ADN ទី 1 មាននុយក្លេអូទីតលើសនុយក្លេអូទីត ADN ទី 2 ចំនួន 500។ ហើយមាននុយក្លេអូទីតប្រភេទ A = 20% ។ ម៉ូលេគុល ADN ទី 2 មាននុយក្លេអូទីតប្រភេទ C = 30%។
1. តើម៉ូលេគុល ADN នីមួយៗធ្វើស្វ័យដំឡើងទ្វេប៉ុន្មានដង។
2. កំណត់ចំនួននុយក្លអូទីតប្រភេទនីមួៗរបស់ម៉ូលេគុល ADN នីមួយៗ។
របៀប Download
--->ចំពោះ អ្នកប្រើ Iphone កុំទាន់ចុចលើ link ខាងលើ ត្រូវមើលផ្នែកខាងក្រោមខាងស្ដាំ ចុចហើយបើកជាមួយ Safari រួចចុចលើ link Download ខាងលើ រងចាំ 5 វិនាទី រួចចុច Skip AD វានឹងលោតផ្ទាំងពាណិជ្ជកម្ម ចុចត្រឡប់មកវិញ ចុច Skip AD ម្ដងទៀតឃើញឯកសាហើយ។
--->ចំអ្នកប្រើ Android ចុចលើ Link ខាងលើរងចាំបន្តិច ហើយចុចលើ Skip AD ជាការស្រេច។
No comments:
Post a Comment